Ստացեք եկամուտ յուրաքանչյուր նոր կայքից

Համագործակցության ծրագիրը մարքեթինգային մոդել է, որտեղ միջնորդը (այս դեպքում՝ Դուք) վաճառվող կայքում (այս դեպքում՝ Ucraft-ում) ապահովում է ակտիվություն և ներգրավվածություն, ինչի դիմաց ստանում է միջնորդավճար։ Ucraft-ի համագործակցության ծրագիրը բաց է բոլոր նրանց համար, ովքեր ցանկանում են վաստակել օնլայն՝ փոքր բիզնեսից մինչև հաջողակ օնլայն բրենդներ և ֆրիլանսերներ:

Համագործակցության ծրագրին կարող եք միանալ անվճար՝ առանց վճարումների կամ պահումների։ Դուք կարող եք վաստակել միջնորդավճարների օգնությամբ, որոնք կգոյացվեն Ձեր ուղղորդած կայքերից:

Համագործակցության ծրագիրը թույլ է տալիս ներգրավել անսահմանափակ թվով մարդկանց։ Ձեզ հարկավոր է գովազդել Ucraft-ը հղումների, հոդվածների, բաներների և մարքեթինգային այլ քայլերի միջոցով։

Եվ, իհարկե, յուրաքանչյուր ուղղորդված բաժանորդագրումից Դուք ստանալու եք միջնորդավճարներ: Դուք կարող եք վաստակել այնքան եկամուտ, որքան թույլ կտա Ձեր ակտիվությունը:

Մեզ հետ համագործակցությունը ունի մի շարք առավելություններ, այդ թվում՝

• Ցածր ընթացիկ ծախսեր,

• Ցածր ռիսկայնություն,

• Ճկունություն,

• Բարձր միջնորդավճարներ,

• Մշտական աջակցում մեր կողմից։

Թեև հարկավոր է ժամանակ և ռեսուրսներ տրամադրել ծրագրի հաջողության համար, Ucraft-ը խոստանում է պարզ լուծումներ և արագ արդյունքներ:

Սկզբում հարկավոր է լրացնել միանալու հայտը մեր կայքում: Արդյունավետ համագործակցության համար մենք կարևորում ենք թափանցիկությունը, ազնվությունն ու փոխադարձ վստահությունը: Այդ իսկ պատճառով փորձում ենք ճշտել տարբեր մանրամասներ դիմորդների մասին։ Այլ տեղեկություն մասնակցությունների հաստատման, իրավունքների և պարտավորությունների մասին կարող եք ստանալ՝ կարդալով Պայմաններ և Դրույթներ էջը:

Ծրագրից ստացված եկամուտը կախված է Ձեր անհատական ակտիվությունից և անցկացրած արշավներից: Դուք կարող եք ստանալ մշտական 25% միջնորդավճար Ձեր ուղղորդած բոլոր գործարքներից։ Չկան սահմանափակումներ կամ պարտադիր թվեր:

Այժմ համագործակցության ծրագրի համար մենք օգտագործում ենք PayPal և Wire Transfer վճարային համակարգերը։

Համագործակցության ծրագրի բոլոր մասնակիցները ստանում են մշակված նյութեր, որոնք կարող են օգնել արշավի պլանավորման հարցում: Այս ուղեցույցները կարող են օգտագործվել տարբեր հարթակներում PPC արշավների, SM գովազդների և SEO օպտիմալացման համար: Դուք նաև կարող եք ստեղծել կայք Ucraft-ով և ներգրավել նոր օգտատերերի:

Հարցերի դեպքում կարող եք դիմել մեր աջակցման թիմին լայվ չաթի օգնությամբ կամ պարզապես գրեք նամակ [email protected] էլ. փոստի հասցեին:

Մենք հասանելի ենք 24/7 ռեժիմով: